【迪士尼家品】坐墊變睡袋！可以捐入去米奇老鼠手套入面瞓！？

今年迪士尼有唔少為人熟悉嘅動畫改編成真人版電影，好似《小飛象》、《阿拉丁》同《獅子王》，另外仲有《反斗奇兵4》同《魔雪奇緣2》呢啲話題大熱作品。日本家具及家品品牌Belle Maison就一向都有同迪士尼合作推出唔同嘅傢俬、家品同小家電，佢嘅官網仲有專門為呢個迪士尼商品系列而設嘅網上商店Disney Fantasy Shop，先前我地就曾經介紹過其中幾款產品。今次介紹嘅係佢推出嘅坐墊睡袋，平時可以當攬枕或者坐墊嚟用，需要時就可以變成睡袋，非常方便。呢款坐墊睡袋有好多款式，包括小熊維尼、唐老鴨、鋼牙同大鼻、跳跳虎同米奇老鼠等等，其中米奇老鼠更加有特別款式，變成成睡袋時嘅外形係米奇老鼠嘅手套，非常盞鬼。

▲多款唔同嘅迪士尼坐墊睡袋，單買坐墊要11,900日元，連埋睡袋就要19,900日元。（圖片來源：Belle Maison）

▲鋼牙款式嘅睡袋。（圖片來源：Belle Maison）

▲跳跳虎款式嘅睡袋。（圖片來源：Belle Maison）

▲特別款式嘅米奇老鼠睡袋，打開出嚟係米奇老鼠嘅手套。（圖片來源：Belle Maison）

▲瞓喺手套睡袋入面，感覺好似變咗小矮人咁。（圖片來源：Belle Maison）

資料及圖片來源：Belle Maison

----------------------------
相關文章：日本品牌推出迪士尼家具及家品 將屋企變成童話樂園

觀看更多「得意」家品：DesignIDK
加入DesignIDK粉絲專頁：DesignIDK Facebook