日本廚房家電品牌Recolte推出氣炸鍋 Size夠細方便存放
日本廚房家電品牌Recolte推出最新款氣炸鍋，所佔面積只有一張A4紙大，但容量亦有2.4公升，非常適合香港的細單位
音樂有潮流，衣著有潮流，室內設計有潮流，連家品電器都有潮流。而家喺電電界其中一款最興嘅產品就係廚房家電氣炸鍋，呢種家電利用含有細小油滴嘅熱空氣嚟抽走食物之中嘅水份，從而做到類似油炸食物嘅效果。之所以愈嚟愈多人用，皆因呢款電器只需要好少量嘅油已經可以進行氣炸，比一般嘅油炸產生更低熱量同脂肪，但又做到酥脆嘅口感。乘住呢股風潮，日本廚房家電品牌Recolte都推出咗氣炸鍋，呢款氣炸鍋嘅賣點係夠細個，所佔面積只有一張A4紙咁大，但亦都有2.4公升容量，擺喺香港嘅細單位入面就啱哂，好使好用。雖然目前只有日本有得賣，不過香港都有Recolte嘅代理商，可能可以期待下未來都能夠喺香港買到呢款氣炸鍋！
▲呢款氣炸鍋夠細個，擺喺屋企都唔會覺得阻埞。（圖片來源：Recolte日本官網）
▲只需要少量油已經可以做到天婦羅！（圖片來源：Recolte日本官網）
▲唔只可以氣炸，仲有燒烤功能，烤魚、叉燒、或者多士都可以做到。（圖片來源：Recolte日本官網）
▲呢款氣炸鍋嘅另一個賣點係方便清洗，只需要將裝食物嘅抽櫃籃同埋金屬網拉出嚟洗就得。（圖片來源：Recolte日本官網）
▲產品有兩款顏色，分別係紅色同乳白色。（圖片來源：Recolte日本官網）
資料來源：Recolte
----------------------------
相關文章：單身貴族福音 一人串燒神器令你可以獨自在家嘆串燒！
觀看更多「得意」家電：DesignIDK
加入DesignIDK粉絲專頁：DesignIDK Facebook
留言